OMMAVIY OFERTA

Platformadan foydalanish bo'yicha xizmat ko'rsatish shartnomasi

Kuchga kirish sanasi: 2026-yil 15-oktabr · Tahrir: 2.1 (avvalgi tahrir: 2026-yil 13-sentabr)

1. UMUMIY QOIDALAR

1.1. Ushbu hujjat "ALICODER" mas'uliyati cheklangan jamiyatining (keyingi o'rinlarda — Ijrochi) ommaviy taklifi (ofertasi) hisoblanadi.

1.2. Oferta O'zbekiston Respublikasi Fuqarolik kodeksining 367-moddasiga muvofiq ommaviy oferta hisoblanadi.

1.3. Ofertani qabul qilgan yuridik shaxs yoki yakka tartibdagi tadbirkor (o'quv markazi, xususiy maktab yoki boshqa ta'lim tashkiloti) keyingi o'rinlarda Buyurtmachi deb yuritiladi. Platforma Buyurtmachining tadbirkorlik faoliyati doirasida o'quv jarayonini boshqarish uchun mo'ljallangan dasturiy ta'minotdir; Ijrochi ta'lim xizmatlarini ko'rsatmaydi. Ushbu oferta bo'yicha o'quvchilar va ota-onalar Ijrochiga hech qanday to'lov qilmaydi. Ota-onalar uchun alohida EduCoin mobil ilovasi (Premium obuna) o'z ofertasi asosida ishlaydi: kidopath.uz/oferta.

1.4. Aksept. Buyurtmachi quyidagi harakatlardan birini bajarganda ofertani to'liq va so'zsiz qabul qilgan hisoblanadi:

• platformada ro'yxatdan o'tish va akkaunt yaratish;
• xizmat uchun to'lovni amalga oshirish;
• platformadan amaliy foydalanishni boshlash.

1.5. Aksept qilingan paytdan boshlab tomonlar o'rtasida yozma shartnomaga teng kuchga ega bitim tuzilgan hisoblanadi.

1.6. Oferta matni doimiy ravishda educoin.uz/doc/oferta.html manzilida e'lon qilinadi va har qanday shaxs u bilan to'lov qilishdan oldin tanishishi mumkin.

1.7. Buyurtmachi nomidan harakat qilayotgan shaxs ofertani qabul qilish uchun zarur vakolatga ega ekanligini kafolatlaydi.

2. IJROCHI HAQIDA MA'LUMOT

3. ATAMALAR

Platforma — EduCoin dasturiy majmuasi, jumladan educoinapp.uz veb-interfeysi va EduCoin School mobil ilovasi.

Xizmat — Buyurtmachiga tanlangan tarif doirasida Platformadan internet orqali foydalanish imkoniyatini berish (dasturiy ta'minotni xizmat sifatida taqdim etish — SaaS). Hech qanday jismoniy tovar yetkazib berilmaydi.

Tarif — xizmat hajmi va narxi belgilangan reja. Amaldagi tariflar ushbu ofertaga 1-ilovada keltirilgan.

Hisobot davri — bir kalendar oy yoki Buyurtmachi tanlagan 3, 6, 9 yoki 12 oylik to'lov davri.

Coin — Platforma ichidagi shartli rag'batlantirish birligi. Coin pul vositasi, elektron pul, kriptovalyuta yoki to'lov vositasi hisoblanmaydi, naqd pulga almashtirilmaydi, uchinchi shaxslarga o'tkazilmaydi va Platformadan tashqarida hech qanday qiymatga ega emas.

4. SHARTNOMA PREDMETI

4.1. Ijrochi Buyurtmachiga tanlangan tarif doirasida Platformadan foydalanish imkoniyatini beradi, Buyurtmachi esa xizmat uchun belgilangan to'lovni amalga oshiradi.

4.2. Platforma quyidagi imkoniyatlarni beradi: o'quvchilar va guruhlar hisobi, dars jadvali va davomat nazorati, coin va rag'batlantirish tizimi, sovg'alar katalogi, o'quv markazining ichki to'lovlari hisobi, xarajatlar va qarzdorlik nazorati, hisobot va statistika, ota-onalarga bildirishnomalar yuborish. Ichki to'lovlar hisobi faqat hisob yuritish vositasidir: Ijrochi Buyurtmachi bilan uning o'quvchilari (ota-onalari) o'rtasidagi to'lovlarni qabul qilmaydi va o'tkazmaydi.

4.3. Barcha tariflarda 4.2-bandda sanab o'tilgan imkoniyatlar beriladi; tariflar bir-biridan muassasa turi va o'quvchilar soni chegarasi bilan farqlanadi (1-ilova).

4.4. Ijrochi Platformaga mulk huquqini bermaydi. Buyurtmachi faqat foydalanish huquqini oladi. Platformaning dasturiy kodi, dizayni, "EduCoin" nomi va belgisi hamda boshqa intellektual mulk obyektlariga bo'lgan huquqlar Ijrochiga tegishli bo'lib qoladi.

4.5. Buyurtmachi Platformani teskari muhandislik qilishga, dasturiy kodini nusxalashga, o'zgartirishga yoki uchinchi shaxslarga taqdim etishga haqli emas.

5. TOMONLARNING HUQUQ VA MAJBURIYATLARI

5.1. Ijrochi majburiyatlari

• Platformaning uzluksiz ishlashini ta'minlash;
• to'lov tasdiqlangandan so'ng xizmatni 6.7-bandda ko'rsatilgan muddatda faollashtirish;
• Buyurtmachi xodimlariga boshlang'ich yo'riqnoma berish (tarifda ko'rsatilgan bo'lsa);
• texnik nosozliklarni imkon qadar tez bartaraf etish;
• Buyurtmachi ma'lumotlarining maxfiyligini ta'minlash;
• rejalashtirilgan texnik ishlar haqida kamida 24 soat oldin xabar berish;
• to'lov uchun hisob-faktura va bajarilgan ishlar dalolatnomasini taqdim etish.

5.2. Ijrochi huquqlari

• xizmat ko'rsatishni to'lov amalga oshirilmagan hollarda cheklash (8-bo'lim);
• Platformani takomillashtirish, yangi imkoniyatlar qo'shish yoki eskirganlarini o'chirish;
• tariflarni o'zgartirish (5.4-bandga muvofiq);
• Buyurtmachi ushbu ofertani buzgan hollarda xizmatni to'xtatish.

5.3. Buyurtmachi majburiyatlari

• xizmat uchun o'z vaqtida to'lov qilish;
• Platformaga kiritilgan ma'lumotlarning to'g'riligini ta'minlash;
• o'quvchilar va ularning ota-onalarining shaxsiy ma'lumotlarini Platformaga kiritish uchun qonuniy asosga va zarur roziliklarga ega bo'lish;
• kirish ma'lumotlarini (login va parol) uchinchi shaxslarga bermaslik;
• Platformadan qonunga zid maqsadlarda foydalanmaslik;
• coin va sovg'alar tizimini o'zi belgilagan shartlarga muvofiq halol yuritish, o'quvchilarga va'da qilingan sovg'alarni berish;
• rekvizitlari yoki aloqa ma'lumotlari o'zgarganda 5 ish kuni ichida Ijrochini xabardor qilish.

5.4. Tariflarni o'zgartirish

Ijrochi tariflarni o'zgartirish huquqiga ega. Yangi tarif haqida Buyurtmachiga kamida 30 kun oldin xabar beriladi. Buyurtmachi yangi tarifga rozi bo'lmasa, shu muddat ichida shartnomani bekor qilishi mumkin.

Amaldagi shartnoma muddati tugagunga qadar to'langan davr uchun narx o'zgarmaydi.

6. NARX VA TO'LOV TARTIBI

6.1. Xizmat narxi tanlangan tarifga muvofiq belgilanadi (1-ilova). Narxlar O'zbekiston Respublikasi so'mida, QQS'siz (0%) ko'rsatiladi.

6.2. To'lov oldindan, har bir hisobot davri boshlanishidan oldin amalga oshiriladi. Buyurtmachi bir oyga yoki 3, 6, 9, 12 oyga to'lashi mumkin; bir necha oyga to'langanda 1-ilovada ko'rsatilgan chegirma qo'llaniladi.

6.3. To'lov usullari

Hozirda onlayn to'lov faqat Payme to'lov tizimi orqali qabul qilinadi. To'lov quyidagi usullarda amalga oshiriladi:

Ijrochi boshqa to'lov usullarini qo'shish huquqiga ega. Yangi usul ushbu oferta, to'lov shartlari va maxfiylik siyosatiga bir vaqtda kiritilganidan keyingina qo'llaniladi.

6.4. To'lov xavfsizligi va karta ma'lumotlari

Onlayn to'lovlar to'lov tashkilotlarining himoyalangan interfeyslari orqali amalga oshiriladi. Bank kartasi raqami, amal qilish muddati va CVV kodi Ijrochining serverlariga tushmaydi va Ijrochi tomonidan saqlanmaydi — bu ma'lumotlar bevosita to'lov tashkiloti tomonidan qayta ishlanadi. Ijrochi faqat to'lov muvaffaqiyatli o'tgani haqidagi tasdiqni, summani, sanani va tranzaksiya raqamini oladi.

Tranzaksiyaning o'ziga tegishli to'lov tashkilotining qoidalari va maxfiylik siyosati tatbiq etiladi. Batafsil: educoin.uz/doc/privacy.html.

6.5. Chek va hisobvaraq hujjatlari

To'lov amalga oshirilgandan so'ng Buyurtmachiga elektron chek (to'lov tasdig'i) to'lov tizimi tomonidan taqdim etiladi. Ijrochi Buyurtmachining so'roviga binoan hisob-faktura va bajarilgan ishlar dalolatnomasini elektron yoki qog'oz shaklda beradi.

6.6. To'lov Ijrochining hisob raqamiga pul tushgan paytdan boshlab amalga oshirilgan hisoblanadi.

6.7. Xizmatni taqdim etish muddati

Xizmat elektron shaklda ko'rsatiladi. To'lov tasdiqlangandan so'ng akkaunt darhol, texnik sabablarga ko'ra kechikkan taqdirda esa 1 (bir) ish kuni ichida faollashtiriladi va tanlangan tarif imkoniyatlari to'liq ochiladi. Xizmat to'langan hisobot davri davomida uzluksiz ko'rsatiladi.

Agar to'lov amalga oshirilgan bo'lsa-yu, xizmat yuqoridagi muddatda faollashtirilmasa, Buyurtmachi 7-bo'limga muvofiq to'langan mablag'ni to'liq qaytarib olish huquqiga ega.

6.8. Bepul sinov davri

Yangi Buyurtmachiga Platformadan 7 (yetti) kalendar kun bepul foydalanish imkoniyati berilishi mumkin. Sinov davri uchun to'lov olinmaydi va karta ma'lumotlari so'ralmaydi; mablag' avtomatik yechib olinmaydi. Sinov davridan keyin to'lov qilinmasa, Platformaga kirish cheklanadi.

7. PULNI QAYTARISH TARTIBI

7.1. Pulni qaytarish quyidagi hollarda amalga oshiriladi:

7.2. Qaytarish uchun murojaat tartibi

1. Buyurtmachi info@educoin.uz manziliga erkin shaklda ariza yuboradi. Arizada ko'rsatiladi: tashkilot nomi va STIR, to'lov sanasi va summasi, tranzaksiya raqami (chekdagi), qaytarish sababi, pul qaytariladigan rekvizitlar.
2. Ijrochi arizani 10 (o'n) ish kuni ichida ko'rib chiqadi va natija haqida yozma (elektron pochta orqali) javob beradi.
3. Ariza ma'qullansa, mablag' 10 (o'n) bank kuni ichida qaytariladi.

7.3. Mablag' to'lov qilingan usul bo'yicha qaytariladi: karta orqali to'langan bo'lsa — o'sha kartaga, bank o'tkazmasi orqali to'langan bo'lsa — o'sha hisob raqamiga. Boshqa rekvizitlarga qaytarish faqat Buyurtmachining rasmiy xati asosida amalga oshiriladi.

7.4. Pulni qaytarish bilan bog'liq bank yoki to'lov tizimi komissiyalari, agar qaytarish Ijrochining aybi bilan bog'liq bo'lmasa, Buyurtmachi hisobidan ushlab qolinishi mumkin.

7.5. Proporsional summa quyidagicha hisoblanadi: (to'langan summa ÷ davrdagi kunlar soni) × foydalanilmagan kunlar soni. Hisob-kitob to'xtatish haqidagi ariza kelib tushgan kundan boshlab yuritiladi.

7.6. Coinlar, bonuslar va promo-kodlar pulga almashtirilmaydi va qaytarilmaydi. Bir necha oyga chegirma bilan to'langan bo'lsa, proporsional summa 7.5-bandga muvofiq haqiqatda to'langan (chegirmali) summadan hisoblanadi.

8. SHARTNOMA MUDDATI VA BEKOR QILISH

8.1. Shartnoma aksept paytidan boshlab kuchga kiradi va 1 (bir) yil muddatga tuziladi.

8.2. Muddat tugaganda tomonlardan biri kamida 30 kun oldin bekor qilish haqida yozma xabar bermasa, shartnoma xuddi shu shartlarda keyingi yilga uzaytiriladi.

8.3. To'lov amalga oshirilmagan taqdirda

Oylik to'lov belgilangan muddatda amalga oshirilmasa:

Muzlatish davrida Buyurtmachi qarzni to'lab, xizmatni to'liq tiklashi yoki o'z ma'lumotlarining nusxasini (eksport faylini) so'rashi mumkin. Ijrochi bunday so'rovni 7 ish kuni ichida bajaradi.

30 kunlik muzlatish muddati tugagach ma'lumotlar qaytarib bo'lmaydigan tarzda o'chiriladi.

8.4. To'lov amalga oshirilmaganligi sababli shartnoma bekor qilinsa, bu Buyurtmachini yuzaga kelgan qarzni to'lash majburiyatidan ozod qilmaydi.

8.5. Buyurtmachi shartnomani istalgan vaqtda bekor qilishi mumkin — buning uchun Ijrochiga yozma (elektron pochta orqali) xabar yuboradi. To'langan, ammo foydalanilmagan davr uchun mablag' ariza kelib tushgan kundan boshlab 7-bo'limga muvofiq qaytariladi.

8.6. Shartnoma bekor qilingandan so'ng Buyurtmachi ma'lumotlari 30 kun davomida saqlanadi va shu muddat ichida eksport qilib olinishi mumkin.

9. MA'LUMOTLAR VA MAXFIYLIK

9.1. Platformaga kiritilgan o'quvchilar, ota-onalar va xodimlar haqidagi shaxsiy ma'lumotlarning egasi — Buyurtmachi. Ijrochi bu ma'lumotlarni Buyurtmachining topshirig'i asosida qayta ishlaydi.

9.2. Buyurtmachi shaxsiy ma'lumotlarni to'plash va Platformaga kiritish uchun O'zbekiston Respublikasining "Shaxsga doir ma'lumotlar to'g'risida"gi qonuniga muvofiq zarur roziliklarni olganligini kafolatlaydi.

9.3. Shaxsiy ma'lumotlar O'zbekiston Respublikasi hududidagi serverlarda saqlanadi va qayta ishlanadi. Maxfiylik siyosatida ko'rsatilgan istisnolar (mobil ilova bildirishnoma tokenlari, Buyurtmachi yoqqan Telegram xabarlari) bundan mustasno.

9.4. Ma'lumotlarni qayta ishlash tartibi maxfiylik siyosatida batafsil bayon etilgan: educoin.uz/doc/privacy.html (mobil ilova foydalanuvchilari uchun — educoin.uz/doc/privacy-school.html).

9.5. Ijrochi Buyurtmachining ma'lumotlarini sotmaydi va marketing maqsadlarida ishlatmaydi. Ma'lumotlar faqat xizmatni ko'rsatish uchun zarur hajmda maxfiylik siyosatida sanab o'tilgan shaxslarga (to'lov tashkiloti, bank, bildirishnoma xizmatlari) va qonunda nazarda tutilgan hollarda davlat organlariga beriladi.

9.6. Ijrochi umumlashtirilgan, shaxsni aniqlab bo'lmaydigan statistik ma'lumotlardan Platformani takomillashtirish maqsadida foydalanishi mumkin.

10. JAVOBGARLIK

10.1. Tomonlar O'zbekiston Respublikasi qonunchiligiga muvofiq javobgar bo'ladilar.

10.2. Ijrochi javobgar emas:

• Buyurtmachi kiritgan ma'lumotlarning to'g'riligi uchun;
• Buyurtmachi o'quvchilarga va'da qilgan sovg'alarni bermaganligi uchun;
• Buyurtmachi kirish ma'lumotlarini uchinchi shaxslarga berganligi natijasida yuzaga kelgan zarar uchun;
• internet aloqasi, uchinchi tomon xizmatlari (Telegram, to'lov tizimlari, bildirishnoma xizmatlari) ishlamaganligi uchun;
• fors-major holatlari uchun.

10.3. Ijrochining javobgarligi har qanday holatda oxirgi 3 (uch) oy uchun to'langan xizmat haqi summasidan oshmaydi.

10.4. Coin bo'yicha javobgarlik. Coin Platforma ichidagi shartli birlik bo'lib, uning qiymati, kursi va sovg'aga almashtirish shartlarini Buyurtmachi mustaqil belgilaydi. O'quvchilarga sovg'a berish majburiyati butunlay Buyurtmachi zimmasida.

11. FORS-MAJOR

Tomonlar tabiiy ofatlar, harbiy harakatlar, davlat organlarining qarorlari, umumiy internet uzilishlari va boshqa oldindan ko'rib bo'lmaydigan holatlar natijasida majburiyatlarni bajarmaganligi uchun javobgar bo'lmaydilar.

12. NIZOLARNI HAL QILISH

12.1. Nizolar avval muzokaralar yo'li bilan hal qilinadi. Da'vo xati 15 ish kuni ichida ko'rib chiqiladi.

12.2. Kelishuvga erishilmasa, nizo O'zbekiston Respublikasi qonunchiligiga muvofiq Ijrochining joylashgan yeri bo'yicha sudda ko'rib chiqiladi.

12.3. Shartnomaga O'zbekiston Respublikasi qonunchiligi qo'llaniladi.

13. YAKUNIY QOIDALAR

13.1. Ijrochi ushbu ofertaga o'zgartirish kiritish huquqiga ega. Yangi tahrir educoin.uz/doc/oferta.html manzilida e'lon qilingan paytdan kuchga kiradi.

13.2. Jiddiy o'zgarishlar haqida Buyurtmachiga kamida 30 kun oldin xabar beriladi.

13.3. Elektron pochta va Platforma orqali yuborilgan xabarlar yozma xabar hisoblanadi.

13.4. Ofertaning biror bandi haqiqiy emas deb topilsa, qolgan bandlar o'z kuchini saqlaydi.

1-ILOVA. TARIFLAR

O'quv markazlari uchun

Xususiy maktablar uchun

Bir necha oyga oldindan to'lov chegirmasi

Narxlar O'zbekiston Respublikasi so'mida, bir oy uchun ko'rsatilgan. QQS solinmaydi (0%). Barcha tariflarda 4.2-banddagi imkoniyatlar beriladi.